ព្រឹកថ្ងៃទី១១ ខែកក្កដា ឆ្នាំ២០២៤ លោក ស៊ន គឹមអុល អនុប្រធានផ្នែកគាំទ្រទូទៅ និងហិរញ្ញវត្ថុ នៃអគ្គលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមា បានរៀបចំវគ្គវណ្តុះបណ្តាលលើប្រធានបទ ស្តីពី “ការរៀបចំមុខងារសាធារណៈរបស់រដ្ឋ” ដល់មន្ត្រីស្ម័គ្រចិត្ត។
គោលបំណងផ្តល់ចំណេះដឹងជាមូលដ្ឋានទាក់ទងនឹង បច្ចេកទេស នៃការរៀបចំប្រព័ន្ធការងារបែបអាជីព (ក្របខណ្ឌ, កម្រិតបណ្តុះបណ្តាល, កាំប្រាក់ និងអត្ថប្រយោជន៍, ច្រកចូលបម្រើការងារក្នុងវិស័យមុខងារសាធារណៈ) និងនីតិវិធីនៃការឡើងថ្នាក់ និងឋានន្តរស័ក្តិរបស់មន្ត្រីរាជការស៊ីវិល និងលក្ខខណ្ឌ នៃការចូលនិវត្ត និងរបៀប នៃការគណនាប្រាក់សោធននិវត្តន៍ និងលក្ខខណ្ឌទទួលបានអត្ថប្រយោជន៍ផ្សេងៗក្រោយពេលចូលនិវត្តន៍ផងដែរ។
