នាថ្ងៃទី១២ ខែកញ្ញា ឆ្នាំ២០២៣ លោក ប្រុញ សុភាណា អគ្គលេខាធិការនៃអគ្គលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមា (ស្តីទី) តំណាង ឯកឧត្តម គួច សុមាន រដ្ឋលេខាធិការ បានដឹកនាំមន្ត្រីជំនាញ ទទួលជំនួបពិភាក្សា របស់ក្រុមបេសកកម្មអង្គភាពស្រាវជ្រាវម៉ាក្រូសេដ្ឋកិច្ច អាស៊ានបូក៣ (AMRO) ដឹកនាំដោយ លោកបណ្ឌិត Jinho Choi នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ ដែលមានសមាសភាពចូលរួមពីតំណាង អគ្គលេខាធិការដ្ឋាន ក.ជ.ប.អ., ទីភ្នាក់ងារជាតិមុខរបរនិងការងារ, អគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈ ដើម្បីពិភាក្សាពីវឌ្ឍនភាពវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈនៅកម្ពុជា។
