កាលពីថ្ងៃទី១២ ខែមិថុនា ឆ្នាំ២០២៥ លោកស្រី ជាង មុយទាង អគ្គលេខាធិការរង អ.ក.ជ.ប.អ. បានដឹកនាំក្រុមការងារចូលរួមសិក្ខាសាលាពិគ្រោះយោបល់លើកទី២ ស្តីពីសេចក្តីព្រាងគោលនយោបាយជាតិ ស្តីពីទេសន្តរប្រវេសន៍ការងារឆ្នាំ២០២៥-២០៣៤ ក្រោមអធិបតីភាពលោកជំទាវ សុវណ្ណ វណ្ណារតន៍ រដ្ឋលេខាធិការប្រចាំការនៃក្រសួងការងារ និងបណ្តុះបណ្តាលវិជ្ជាជីវៈ។ សិក្ខាសាលានេះមានការចូលរួមពីអង្គការអន្តរជាតិខាងការងារ (ILO), អង្គការអន្តរជាតិទេសន្តរ ប្រវេសន៍ (IOM), សមាគមនិយោជក, សហជីព , តំណាងពីក្រសួង-ស្ថាប័នពាក់ព័ន្ធ និងដៃគូអភិវឌ្ឍន៍ សរុបប្រមាណ ១២០រូប។