អគ្គលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បរមា បានចូលរួមរៀបចំសិក្ខាសាលាពិគ្រោះយោបល់ស្តីពីការអនុវត្តផែនទីបង្ហាញផ្លូវរបស់កម្ពុជាសម្រាប់កាតាលីករសកលស្តីពីការងារសមរម្យនិងការគាំពារសង្គមសម្រាប់អន្តរកាលយុត្តិធម៌

(ភ្នំពេញ)៖ ឯកឧត្តម ប្រុញ សុភាណា អគ្គលេខាធិការ នៃ អ.ក.ជ.ប.អ. បានអញ្ជើញចូលរួមអម លោកជំទាវ សុវណ្ណ វណ្ណារតន៍ រដ្ឋលេខាធិការប្រចាំការ តំណាងដ៏ខ្ពង់ខ្ពស់ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវ: ក្នុងពិធីបើក “សិក្ខាសាលាពិគ្រោះយោបល់ស្តីពី យុទ្ធសាស្រ្ដហិរញ្ញប្បទាន និងក្របខណ្ឌតាមដាន ត្រួតពិនិត្យ និងវាយតម្លៃផែនទីបង្ហាញផ្លូវរបស់កម្ពុជាសម្រាប់កាតាលីករសកលស្តីពី ការងារសមរម្យនិងការគាំពារសង្គមសម្រាប់អន្តរកាលយុត្តិធម៌” ក្រោមការសហការរៀបចំដោយក្រសួងការងារ និងបណ្តុះបណ្តាលវិជ្ជាជីវ: កម្មវិធីអភិវឌ្ឍន៍សហប្រជាតិ (UNDP) និងអង្គការអន្តរជាតិខាងការងារ (ILO) នាព្រឹកថ្ងៃទី២៩ ខែកញ្ញា ឆ្នាំ២០២៥ នៅសណ្ឋាគារ Novotel Phnom Penh ព្រមទាំងមានការចូលរួមពីមន្ត្រីបច្ចេកទេសនៃក្រសួង-ស្ថាប័នពាក់ព័ន្ធ, កម្មវិធីអភិវឌ្ឍអង្គការសហប្រជាជាតិ និងអង្គការអន្តរជាតិខាងការងារ សរុបចំនួន៦០រូប។